Prevención de sinistros viarios
Imaxe
- Acontecementos pouco frecuentes como unha eclipse solar xeran moita afluencia de persoas en sitios de maior visibilidade; isto supón multitude de desprazamentos e un aumento de sinistros viarios.
- A eclipse de 2026 vai ser visible en toda España. A diferenza con outras zonas da franxa visible non vai ser tan grande como para compensar outros factores, como pode ser o tráfico ou a falta de espazo libre no que colocarse. Aquí podes atopar información sobre a visibilidade da eclipse na túa localización.
- A eclipse de 2027 será visible soamente nunha estreita franxa do territorio español polo que, se vas viaxar, planifica todo con antelación.
- Lembra conducir con precaución, non mires o móbil ou outros dispositivos electrónicos mentres conduces, non consumas alcol nin outras drogas se vas conducir, non superes os límites de velocidade, usa sempre o cinto de seguridade e os sistemas de retención infantil, respecta peóns e ciclistas así como así como a sinalización e indicacións das autoridades locais.
Prevención de lesións na pel
- Mesmo durante unha eclipse parcial ou anular, ou durante as fases parciais dunha eclipse total, o sol brilla con moita intensidade, polo que ó observar unha eclipse completa, podes estar exposto á luz solar directa durante horas.
- Busca zonas sombreadas ou usa antucas.
- Non esquezas usar protector solar, chapeu e roupa protectora para evitar danos na pel.
- Asegúrate de que as persoas ó teu cargo, xa sexan maiores ou pequenas, tamén estean protexidas.
Prevención de lesións por calor
- Protéxete da calor, busca lugares sombreados, refréscate e non esquezas que estas indicacións tamén as deben cumprir nenos, nenas e as persoas que estean ó teu cargo.
- E lembra: o alcol deshidrata.
- Máis información sobre prevención de lesións por calor nesta ligazón.
Prevención enfermidades transmitidas por auga e alimentos
- Os eventos masivos ou con gran afluencia de persoas poden dar lugar a un aumento do risco de enfermidades transmitidas por auga ou alimentos.
- Segue as recomendacións de hixiene ó preparar e consumir alimentos e bebidas.
- Verifica que a auga que bebes e usas para cociñar é potable.
- Verifica que os alimentos que vas utilizar ou inxerir están en bo estado.
- Lava as mans antes de preparar ou inxerir alimentos.
- Conserva os alimentos a temperaturas seguras.
- Lembra separar alimentos crús dos cociñados.
- Se vas cociñar, lembra facelo completamente.
Prevención de enfermidades transmitidas por mosquitos e carrachas
- As eclipses van ter lugar en época de maior actividade de mosquitos e carrachas. Lembra seguir as recomendacións para evitar picaduras:
- Se vas estar en zonas ao aire libre con vexetación evita camiñar en zonas boscosas e con arbustos.
- Usa roupa que cubra a maior parte do corpo, como mangas e pantalóns longos.
- Mete as perneiras dos pantalóns dentro dos calcetíns para que as carrachas non se metan.
- Usa roupa de cores claras para facilitar a identificación de carrachas na roupa.
- Usa repelentes de insectos aprobados na pel e/ou a roupa seguindo as instrucións.
- Revisa regularmente a roupa e a pel para detectar carrachas, especialmente despois de realizar actividades ó aire libre.
Outros posibles eventos de saúde
- Lembra levar sempre a medicación e o cartón sanitario tanto túas como das persoas ó teu cargo.