Andalucía

Se o norte de España será o protagonista en 2026, Andalucía resérvase o papel estelar para o segundo acto, situándose como un dos mellores lugares do planeta para observar o ceo nos próximos anos. Aínda que a eclipse total de 2026 verase nesta comunidade como unha eclipse parcial de gran magnitude (cun escurecemento superior ó 90 % na maior parte do territorio), será en 2027 e 2028 cando a rexión viva os seus momentos de gloria histórica.

O 2 de agosto de 2027 marcará un fito astronómico sen precedentes na rexión. A franxa de totalidade cruzará o extremo sur da península, convertendo á costa andaluza nun palco de luxo. Localidades como Cádiz, Málaga, Marbella ou Alxeciras verán como o día se converte en noite pechada en pleno verán. Mención especial merece a contorna do Estreito de Xibraltar, que será un dos puntos de Europa con maior duración da totalidade, ofrecendo un espectáculo máis que prometedor.

Apenas seis meses despois, o 26 de xaneiro de 2028, Andalucía volverá ser a porta de entrada dun novo fenómeno: unha eclipse anular. O coñecido como «anel de lume» entrará polo Golfo de Cádiz ó atardecer, creando unha estampa fotográfica única co sol convertido nun anel dourado rozando o horizonte. Case toda a comunidade (agás a franxa sueste da provincia de Almería) desfrutarán da anularidade antes de que o sol se poña, pechando con broche de ouro este ciclo astronómico no sur da Península.